Uttanríkisráðharrarnir úr Pakistan og Iran tosaðu

Uttanríkisráðharrarnir úr Pakistan og Iran tosaðu, sambært CNN, saman alla náttina.

Iranski uttanríkisráðharrin Abbas Araghchi lendi í pakistanska høvuðsstaðnum, Islamabad, stutt eftir midnátt. Har tók pakistanski uttanríkisráðharrin Ishaq Dar ímóti honum og teir fundaðust í næstan fimm tímar. 

Tað er tó ikki greitt, júst hvat kom burturúr fundinum. 

Væntandi kemur amerikanska sendinevndin við Steve Witkoff og Jared Kushner til Islamabad í morgin. 

Sambært iranskum embætisfólkum eru tó ongar ætlanir um beinleiðis fund millum Iran og USA.