Magni Jøkladal og Pól Egholm føroyameistarar í bridge

Magni Jøkladal og Pól Egholm eru føroyameistarar í bridge fyri pør í 2026. Tað bleiv avgjørt um vikuskiftið, tá spælt var um FM í Bridgehúsinum í Havn. Tilsamans 90 spøl blivu spæld í FM-kappingini, sum byrjaði fríggjakvøldið og endaði seint seinnapartin í gjár. Silvurheiðursmerkini fóru til Arnbjørn Sivertsen og Jákup Hjaltalin, og Árni M. Dam og Símun Lassaberg vunnu bronsu. Gullvinnararnir í fjør, Arne Mikkelsen og Dánjal Pauli (Balle) Mohr, endaðu sum nummar sjey í ár. 

Úr vinstru: Símun Lassaberg og Árni M. Dam, FM-bronsu, Magni Jøkladal og Pól Egholm, FM-gull, og Jákup Hjaltalin og Arnbjørn Sivertsen, FM-silvur