Virðið á norska oljugrunninum er 22.000 mia. norskar krónur

Í dag hækkaði virðið á norska oljugrunninum upp í góðar 22.000 milliardir norskar krónur. Tað svarar til 14.877 milliardir í okkara peningi.

Tað vísir yvirlit yvir virðið á oljugrunninum beint fyri klokkan 7 í morgun.

Tað var E24, sum fyrst boðaði frá, at grunnurin var farin upp um 22.000 milliardir norskar krónur.

Hækkingin í virðinum á grunninum fylgir eini tryggari hækking á amerikansku virðisbrævamarknaðunum í gjár, í kjalarvørrinum av friðaravtaluni millum USA og Iran.

Á nýggjárinum lækkaði virðið á grunninum úr góðum 21.000 milliardum norskum krónum, niður í slakar 20.000 milliardir fyrsta ársfjórðing. 

Men nú er so vend komin í hjá norska oljugrunninum.