Vár og Elisabet lyftu um kapp

Vár og Elisabet lyftu um kapp
Vár Guriardóttir Hansen úr Megingjørð og Rógvi Sørensen úr Burn Íðkarum blivu føroyameistarar í styrkilyfting um vikuskiftið. Kappingin var spennandi - serliga hjá kvinnunum
24.06.2024 - 16:57

Vár Guriardóttir Hansen og Rógvi Sørensen blivu føroyameistarar í styrkilyfting, ið Burn Íðkarar leygardagin skipaðu fyri.

Hjá kvinnum var kappingin hørð. Vár Guriardóttir Hansen úr felagnum Megingjørð fekk 81,11 stig, og Elisabet Vang, sum var komin heim úr Norra at lyfta, fekk 78,6 stig. 

 - Eg havi tað øgiliga gott. Tað er langt síðan, eg havi verið so errin av mær sjálvari, segði Vár Guriardóttir Hansen, sum eisini hevur gjørt vart við seg í kapp- og inniróðri.

 

Rógvi ónøgdur við avrikið

Rógvi Sørensen úr Burn Íðkarum var favorittur hjá monnum, og hann vann eisini kappingini sannførandi við 85 stigum. Andri Dam úr sama felag endaði á 2. plássi við 80 stigum.

Hóast hann gjørdi slætt borð, var Rógvi Sørensen ikki nøgdur við avrikið.

 - Tú kappast ímóti tær sjálvum, og um tú megnar at flyta teg hvørt ár, so vinnur tú í teoriini. Tað havi eg ikki gjørt í ár, og tí føli eg, at eg kann ikki ordiliga vera nøgdur við avrikið, segði hann. 

Fýra kvinnur og átta menn kappaðust í trimum greinum, beinbendi, bonkpressi og rættstøðulyfti, og besta lyftið av trimum í hvørji grein taldi. Vinnarin var funnin eftir einum frymli, sum mátar avrik í mun til kroppsvekt, sonevnda IPF-GL stigaskipanin.

 
Er kopiera
Nýggjastu sendingar í ÚV
Fríggjadag 19. juli
Morgunlestur fríggjadagur 19. juli 2024
177837
Hósdag 18. juli
RagnarRokk 18.juli 2024
176485
Hósdag 18. juli
Morgunlestur hósdagur 18. juli 2024
177836
Nýggjastu sendingar í SV
Fríggjadag 19. juli
Óli Mittún og Eivør Pálsdóttir
178182
Týsdag 16. juli
Veðrið
178118
Mánadag 15. juli
Hin rusuti á Aconcagua (3:10)
177771
Leygardag 13. juli
Føroyar - Montenegro (2-1)
178016
Leygardag 13. juli
Landsdystur: Føroyar - Montenegro
178015