Landsverk: Játtanin ov lítil til viðlíkahald

Í trygdarskápunum, sum standa báðumegin tunnilsmunnan í Leirvíkstunlinum, ber ikki til at tendra ella sløkkja reyðu neyðljósini, skuldi okkurt verið áfatt inni í tunlinum.

Telefonirnar í og uttanfyri tunnilin rigga heldur ikki.

Landsverk varðar av teimum 21 tunlunum í Føroyum, og Landsverk viðurkennir, at tað er ikki í lagi, at trygdarskápini í og uttanfyri Leirvíkstunnilin eru óvirkin.

Men tað er hvørki peningur til at viðlíkahalda tunlarnar í Føroyum, og heldur ikki at viðlíkahalda vegakervið í síni heild, tí játtanin til Landsverk er ov lítil, sigur Fríðrik Heinesen, sivilverkfrøðingur á Landsverki.