Suðuroyartunnilin merkir lív ella deyð fyri Suðuroynna

- Suðuroyartunnilin merkir lív ella deyð fyri Suðuroynna. Tað er alneyðugt, at politikararnir hava rygg og atkvøða tunnilin ígjøgnum, sigur Janus Thomsen, borgarstjóri í Hvalbiar kommunu.

Suðuroyartunnilin hevur alt at siga fyri framtíðina í Suðuroynni. Tað er borgarstjórin í sunnastu kommunu í oynni avgjørdur um.

- Val er um eitt ár, og um Suðuroyartunnilin ikki verður atkvøddur ígjøgnum nú, er vandi fyri, at málið dettur burtur. Tað hava vit ikki ráð til. Vit mugu hava tunnilin nú, sigur Eyðbjørn Thomsen, borgarstjóri í Sumbiar kommunu.

Tørvur nú, men týðandi at kanna

Nógv politiskt kjak hevur verið og er um Suðuroyartunnilin. Og framvegis eru fleiri, ið seta spurnartekn við, hvør leið er tann rætta, og fleiri spyrja eisini, um Føroyar hava ráð til ein so dýran undirsjóvartunnil.

Suðuroyingar, ið Kringvarpið tosaði við á gøtuni, eru samd um, at tað er sera stórur tørvur tørvur á at fáa tunnilin skjótt, men nøkur nevna eisini, at neyðugt er at kanna og koma til rættu loysnina, áðrenn farið verður í gongd við at bora.

Allir teir sjey borgarstjórarnir í Suðuroynni skipa fyri borgarafundi um Suðuroyartunnilin sunnudagin 7. desember í Salti.