Arbeiðið dregur út

Í vár varð roknað við, at eitt uppskot um stjórnarskipan kundi leggjast fram 21. juni í 2021, sum er grønlendskur tjóðardagur.

Nú hevur landsstýrið samtykt, at stjórnarskipanarnevndin fær eitt hálvt ár aftrat at arbeiða í, og evstamark er sett til 1. januar í 2022.

Fáa samsýning kortini

Fyri níggju mánaðum síðani varð avgjørt, at landstingslimirnir í stjórnarskipanarnevndini skuldu ikki fáa samsýning, tí teir frammanundan fáa løn sum landstingslimir.

Men nú hevur landsstýrið gjørt av, at landstingslimirnir kortini skulu fáa samsýning fyri arbeiðið í stjórnarskipanarnevndini frá 1. januar.

Hvussu stór samsýningin verður, er loyniligt, tí málið er sent fíggjarnevndini í landstinginum, sum ikki er farið at viðgera tað enn.