Flogskiparin royndi at venda aftur

Flogfarið, ið datt niður í Iran í gjár, royndi at venda aftur til flogvøllin, áðrenn tað vanlukkan hendi.

Tað siga iranskir myndugleikar í dag.

Sjónarváttar siga, at eldur var í flogfarinum, áðrenn tað datt niður.

Flogferðslumyndugleikarnir í Iran siga, at stutt eftir at flogfarið var farið á flog, ætlaði flogskiparin at venda  aftur, tí hann staðfesti onkrar trupulleikar við flogfarinum.

Myndugleikarnir siga eisini, at flogfarið sendi einki neyðarkallið, áðrenn roynt varð a venda aftur til Khomeini-floghavnina í Tehran.

Flogfarið var av slagnum Boeing, og tað var á veg úr Teheran til Ukraina, tá vanlukkan hendi.

Øll 176 fólkini, sum vóru við flogfarinum, lótu lív.