Tvey uppskot um somu lívrentu til kvinnur og menn

Nú eru tvey uppskot í løgtinginum um menn, kvinnur og lívrentu.

Framsókn hevur biðið løgtingið heita á landsstýrið um at fáa lógina broytta, men Javnaðarflokkurin fer longri, og hevur sjálvur uppskot um lógarbroyting.

Endamálið er tað sama, at kvinnur og menn fáa somu lívrentu.

Kvinnur fáa 13 prosent minni

Sum er fáa kvinnur 13 prosent minni enn menn, tí tær liva longur.

Uppskotið til samtyktar hjá Framsókn hevur havt fyrstu viðgerð í tinginum, og er nú í Vinnunevndini.

Uppskotið um lógarbroyting hjá Javnaðarflokkinum varð lagt fram í gjár.