Tey avbyrgdu skulu vera á Hotel Vágum

Heilsumyndugleikarnir og Hotel Vágar hava gjørt avtalu um, at hotellið skal hýsa teimum, sum landslæknin ger av at avbyrgja í sambandi við, at coronavirus er staðfest í Føroyum.

Hetta verður gjørt, til tess at byrgja fyri, at fleiri borgarar verða smittaðir, upplýsir Heilsumálaráðið. Á Hotel Vágum eru 25 kømur.

Á Hotel Vágum fáa tey avbyrgdu hvør sítt kamar, ið hevur teir hentleikar, sum heilsumyndugleikarnir halda eru neyðturviligir.