Tryggingarfeløgini longda freist

Landsstýrismaðurin í umhvørvis- og vinnumálum hevur sett í gildi eina kunngerð, ið gevur fyritøkum á økinum hjá Tryggingareftirlitinum betri stundir at lata ársfrágreiðingina inn.

Nýggja kunngerðin loyvir tryggingarfeløgum, tvørgangandi eftirlønargrunnum og P/F Lív, lívs- og pensjónstryggingarfelag, at lata inn ársfrásøgn fyri 2019 í seinasta lagi 31. juli 2020. 

Fer úr gildi aftur á nýggjárinum

Sambært lógini skal ársfrásøgnin annars latast inn í seinasta lagi fýra mánaðir eftir, at roknskaparárið er endað.

Í kunngerðini verður kortini álagt fyritøkunum at senda Tryggingareftirlitinum ársfrásøgnina uttan ógrundaðan steðg eftir góðkenning á aðalfundinum.

Kunngerðin kom í gildi í farnu viku og fer úr gildi aftur 1. januar 2021.