IRF tekur nú móti glasi

Glasið, sum verður skilt frá húsarhaldsburturkastinum, kann latast inn á kommunalu endurnýtsluplássunum. Enn eru allar kommunur ikki við í tiltakinum.

Men nú í vikuni koma Eysturkommuna, Runavíkar kommuna, Vága kommuna, Hvannasunds kommuna og Nes kommuna afturat. 

Allar glasfløskur, gløs at drekka úr og glaskrukkur kunnu latast til endurvinning. Eisini ber til at lata jarn og metal til endurnýtslu og bleytt plast. Bleytt plast er plast, sum kann knýtast, sigur IRF.