Korona kostar 15 mió. kr. fyrsta ársfjórðing

Korona fer at kosta landskassanum 15 milliónir krónur í fyrsta ársfjórðingi næsta ár.

Koronudeildin á Landssjúkrahúsinum kostar 920.000 krónur um mánaðin, korunukanningarnar á sjúkrahúsunum kosta 3,1 millión krónur um mánaðin, og farsóttartilbúgvingin, sóttarhald og annað kosta eina millión krónur, hevur Fíggjarnevndin fingið at vita.

Eingi koronutiltøk eru við í uppskotinum um fíggjarlóg fyri 2021.

Fíggjarmálaráðið sigur seg ikki vita, hvussu nógv koppingarevnið fer at kosta. Men ókeypis verður hjá fólki at verða koppsett fyri koronu.