Vilja ikki hava koppingarevni úr USA og Bretlandi

Iranski leiðarin, Ayatollah Ali Khamenei, hevur sett iranska tinginum forboð fyri at innflyta Covid-19 koppingarevni úr USA og Bretlandi.

Í eini sjónvarpaðari røðu segði Ali Khamenei, at "um amerikanarar vóru førir fyri at framleiða eina vaksinu, høvdu teir ikki havt eina sovorðna koronovirus-fiasko í sínum egna landi."

Iran er í ferð við at menna sína egnu vaksinu, og royndir við fólkum vórðu gjørdar síðst í desember.

Ali Khamenei segði eisini, at Iran kann fáa vaksinu frá øðrum "álítandi støðum."

Hann segði einki um, hvørji hesi støðini eru, men Kina og Russland eru bæði sameind hjá Iran, skrivar Reuters.