Tjóðveldi: Danmark skal fáa blokkin aftur

Tjóðveldi vil nú hava, at ríkisveitingin úr Danmark verður send aftur til Danmarkar.

Hetta skal gerast fyri at gera føroyska búskapin og fíggjarlógina óhefta av ríkisveitingini og sjálvbjargnan.

Tjóðveldi legði fram lógaruppskot um hetta í gjár. 

Ríkisveitingin er 641,8 mió. kr.   

Hon kann minka millum 67,3 og 150,5 mió. kr. um árið næstu seks árini, stendur í uppskotinum. Tí inntøkurnar í fíggjarlógini vaksa, so fíggjarlógin kann gerast óheft av ríkisveitingini. 

Helvtin sendast aftur 

So hvørt inntøkur landsins vaksa, fara 50 prosent av inntøkuvøkstrinum til at minka ríkisveitingina í fíggjarlógini.

Tey fara í Búskapargrunnin og haðani aftur til Danmarkar.

Tá 641,8 mió. kr. verða fluttar, fær Danmark boð um, at vit vilja ikki hava ríkisveitingina longur.

Hin helvtin av inntøkuvøkstrinum verður standandi í fíggjarlógini. 

Við hesum leisti verða Føroyar óheftar av ríkisveitingini sum frá líður, sigur Tjóðveldi.