Nú kunnu fleiri verða skrásett sum ellisakfør

Ein nýggj kunngerð er á veg um ellisakfør. Galdandi kunngerð er frá 2004.

Sambært nýggju kunngerðini kunnu fleiri akfør verða skrásett sum ellisakfør.

Nýggja kunngerðin er meira umfatandi og neyvari enn tann gamla, sum bara hevur tvær greinar.

Aldursmarkið er tó framvegis tað sama, 25 ár.

Nú fer eisini at bera til at skráseta akfør, sum hava broytt snið, sum ellisakfør.

Kunngerðin er til hoyringar til 2.apríl.