Nýggj nevnd í IRF

Hans Anders Jacobsen av Strondum er nýggjur formaður í IRF. Interkommunali Renovatiónsfelagsskapurin hevur havt aðalfund í dag, og nýggja nevndin skipaði seg beint eftir fundin.

Næstformaður er Jóanis Albert Nielsen úr Sandavági. Hini í nýggju nevndini eru Gunvá við Keldu úr Klaksvík, Oluf Müller úr Kvívík, Bjarki Henriksen av Sandi og Alvi Mortensen av Tvøroyri.

Í gomlu nevndini vóru: Tummas Lervig úr Klaksvík, Artur Johansen av Strondum, Petra Iversen úr Kvívík, Jonhard Joensen úr Sandavági, Kristina Roest úr Trongisvági og so Bjarki Henriksen av Sandi, ið nú sum tann einasti heldur fram í nýggju nevndini.

Nevndin hjá IRF verður vald eftir kommunuvalini og situr í fýra ár. Viðtøkurnar siga, at seks fólk verða vald í nevndina at umboða hvør sítt øki.