Sleppa at landa svartkjaft uttanlands

Aftur í ár sleppa føroysk skip at landa svartkjaft uttanlands.

Ein kunngerð er komin í gildi, sum gevur undantak frá at landa svartkjaft í Føroyum til og við 15.juni.

Undanfarin ár er hetta loyvið givið, tí tíðin at bíða eftir at sleppa framat at landa í Føroyum hevur verið ov drúgv.

Føroysk skip landaðu 78.300 tons av svartkjafti uttanlands í fjør.

Í 2019 landaðu føroysk skip 46.700 tons av svartkjafti uttanlands og góð 39.000 tons í 2018.