Bakkafrost 428 mió. kr. í avlopi í øðrum ársfjórðingi

Úrslitið eftir skatt hjá Bakkafrost-samtakinum í øðrum ársfjórðingi var 428,1 milliónir krónur.

Tað var 471,7 milliónir sama ársfjórðing í fjør. 

Í fyrra hálvári var úrslitið eftir skatt 836 milliónir. Tað var 324 milliónir fyrra hálvárið í fjør.

Tóku 28.000 tons

28.200 tons av laksi vórðu tikin í øðrum ársfjórðingi í ár, 17.600 tons í Føroyum og 10.600 tons í Skotlandi.

Bakkafrost ætlar at gera íløgur í Føroyum fyri 1,8 milliard tey trý árini 2020-2022.

Í Skotlandi er ætlanin at brúka 350-400 milliónir krónur um árið tey næstu fimm árini. 

Ein stórur partur fer til tríggjar smoltstøðir.