Mótmælisfólk skuldseta trygdardeildir í Sudan

Sudanskar trygdardeildir verða skuldsettar fyri at hava brúkt óneyðugan harðskap ímóti mótmælisfólki í høvuðsstaðnum. Khartoum, skrivar BBC.

178 av mótmælisfólkunum, sum tala at hernaðarstýrinum í eysturafrikanska landinum, fingu skaða jóladag, og nú rópar ein læknafelagsskapur, sum er í parti við mótmælisfólkunum, varskó. 

Læknafelagsskapurin finst at trygdardeildunum og ákærir tær fyri at brúka veruligar kúlur. 

Sudanskir myndugleikar siga hinvegin, at 58 løgreglufólk hava fingið skaða undir mótmælunum, og meir enn 100 fólk eru handtikin í høvuðsstaðnum. Mótmælir hava eisini verið í øðrum sudanskum býum, millum annað í Port Sudan.

Hetta er aðru ferð seinastu vikuna at kravgongur fyri fólkaræði savna fleiri túsund fólk. Síðsta vikuskiftið marsjeraðu fleiri hundrað túsund ígjøgnum Khartoum og kravdu fólkaræði, eftir at hervaldið tók ræði í kvetti 25. oktober.