Landsliðsmálverji til bestu donsku deildina

Føroyski landsliðsmálverjin, Annika Fríðheim Petersen, skiftir til Nykøbing F. Håndbold í bestu donsku hondbóltsdeildini. 

Hon hevur spælt við íslendska liðnum, Haukar.

Sambært venjaranum, Jacob Larsen, segði fyrrverandi H71-málverjin, nei takk til tilboðið í fyrstu syftu, men eftir at hava tosað meir við danska felagið, valdi hon at skifta.

Fyrrapartin í dag vandi Annika Fríðheim Petersen fyri fyrstu ferð saman við sínum nýggju liðfeløgum, og gongst eftir ætlan, verður hon í hópinum til næsta dyst hjá Nykøbing á heimavølli ímóti Viborg.

 - Størsti munurin var leikferðin. Hetta eru jú fulltíðar yrkisspælarar, og tað merkir tú, segði málverjin á tíðindafundi fyri løtu síðani. 

Nýggja liðið hjá Annika Fríðheim Petersen liggur í løtuni á sætta plássi í sokallaðu Bambusa kvindeligaen.