Altjóða orkustovnurin ávarar Russland um at avmarka gassútflutningin til ES

Tað kann koma Ruslandi aftur um brekku, um landið ger av at avmarka útflutningin av gassi til Europa. Tí tað kann raka russiska búskapin meint.

Tað sigur stjórin í altjóða orkustovninum, IEA, sambært NTB.

Londini í ES stúra fyri, at Vladimir Putin, forseti, fer at geva boð um at avmarka søluna av gassi til Europa, um londini seta tiltøk í verk ímóti Ruslandi.

Tí eru londini í ES farin at leita eftir gassi í øðrum londum.

Russland, Herskip

Russland fær ringt orð á seg

Stjórin í IEA, Fatih Birol, sigur, at um Rusland fer at minka søluna av gassi til Europa, so kemur tað illa við hjá russiska búskapinum.

- Um Rusland ikki heldur tær avtalur um gass, sum eru gjørdar, so fær landið ringt orð á seg, sum samstarvsland, og tað er ongantíð gott, sigur Fatih Birol í samrøðu við The Guardian.

Hann sigur seg eisini vænta, at londini í ES fara at leita eftir rojku í øðrum londum, sum tey ikki hava fyri neyðini at keypa gass úr Ruslandi.

Russland er landið, sum letur mest gass til ES londini. Noreg letur næstmest, skrivar NTB.