Ukraina: 400.000 fólk eru fangar í Mariupol

Russar hava fleiri enn 400.000 fólk fangar í Mariupol. Teir forða fyri humaniterari hjálp, og at fólk verða flutt burtur úr økinum. 

Tað sigur ukrainski uttanríkisráðharrin, Dmytro Kuleba, á Twitter fyri løtu síðani, 

- Skotálopini halda fram. Næstan 3.000 nýføðingar hava tørv á mati og heilivági. Eg heiti á heimin um at gera vart við seg, skrivar uttanríkisráðharrin á Twitter. 

Hesi boðini koma, eftir at tað fyrr í dag varð váttað av ukrainskum myndugleikum, at Russland hevði góðtikið vápnahvíld í fleiri býum, so at fólk kundi sleppa úr býum, og hjálp kundi sleppa inn. 

Flóttafólk í Mariupol - Mynd: Ritzau Scanpix

(Mynd: Ritzau Scanpix)

Óhugnalig støða við markið

John Johannesen er staddur í Póllandi, nærindis ukrainska markinum og býnum Lviv, og hann fylgir flóttafólkastreyminum. 

- Tað eru óteljandi fólk og felagsskapir, sum hjálpa flóttafólkunum, men tað er eisini ein óhugnalig støða við markið, sigur tíðindamaðurin hjá Kringvarpinum.

Illgruni er eisini um handil við menniskjum við ukrainska markið: