Fótbóltslandsliðið tikið út: Mads Boe Mikkelsen nýggjur í hópinum

Mads Boe Mikkelsen úr KÍ er nýggjur í landsliðshópinum hjá Håkani Ericson, sum seinni í mánaðinum skal spæla venjingardystir ímóti Gibraltar og Liktinstein

Mads Boe Mikkelsen úr KÍ er við á landsliðnum fyri fyrstu ferð

Símun Christian Olsen

14.03.2022 - 10:36

Mads Boe Mikkelsen er við á føroyska fótbóltslandsliðnum fyri fyrstu ferð.

22 ára gamli KÍ-spælarin hevur fingið eina góða byrjan í Klaksvík. Hann hevur spælt allars dystirnar higartil, og er sloppin av við skaðarnar, sum annars hava darvað, síðan hann kom til Føroyar.

Mads Boe Mikkelsen kann spæla á teimum flestu fremstu plássunum, og leygardagin spældi hann á høgra bakki ímóti B36.

Skulu spæla uttan Brand

Brandur Hendriksson Olsen er illa skaddur og spælskiparin verður ikki við í ár. Tað er dyggur smeitur, viðgongur Håkan Ericson, og venjingardystirnir snúgva seg partvís um at finna eina nýggja loysn.

Dysturin ímóti Gibraltar verður 26. mars, og 29. mars er dysturin ímóti Liktinstein á skránni.

Føroyski hópurin:

Gunnar Nielsen, FH Hafnarfjørður (Ísland)
Teitur Matrs Gestsson, HB
Matthias Heðinsson Lamhauge, B36
Rene Shaki Joensen, KÍ
Heri Hjalt Mohr, HB
Viljormur Davidsen, Helsingborg IF (Svøríki)
Daniel Johansen, HB
Sonni Ragnar Nattestad, B36
Odmar Færø, KÍ
Rógvi Baldvinsson, Bryne BK (Noreg)
Hørður Askham, HB
Heðin Hansen, HB
Gilli Rólantsson Sørensen, Odd (Noreg)
Gunnar Vatnhamar, Víkingur
Hallur Hansson, KR Reykavík (Ísland)
Jákup Biskopsstø Andreasen, KÍ
Mads Boe Mikkelsen, KÍ
Ári Mohr Jónsson, HB
Sølvi Vatnhamar, Víkingur
Jóannes Bjartalíð, KÍ
Meinhard Egilsson Olsen, Mjøndalen (Noreg)
Petur Knudsen, Lyngby DK (Danmark)
Klæmint Andrasson Olsen, NSÍ
Patrik Johannesen, Keflavík (Ísland)