Finnland og Svøríki fara upp í NATO

Finnland fer at søkja um limaskap í NATO fyrst í næstu viku.

Tað søgdu finski forsetin, Sauli Niinistø, og finski forsætisráðharrin, Sanna Marin, á tíðindafundi í dag.

Sanna Marin, Stoltenberg, Nato, Finnland

Frítekst tagging: 

Sanna Marin

Jens Stoltenberg

Nato

Tey boðaðu frá, at finski ríkisdagurin fer undir at umrøða avgerðina um NATO í morgin, og væntandi verður ein umsókn send NATO mikudagin, segði Sanna Marin:

Hon segði, at Finnland fær trygd við limaskapi í NATO, og fer at geva trygdina víðari til onnur lond.

Limaskapur í NATO fer eisini at økja um møguleikarnar fyri samstarvi í norðurlondum, segði finski forsætisráðharrin.

Fyri bert fáum mánaðum síðani kom tað ikki upp á tal hjá Finnlandi, enn at hava sína uttanveltaðu støðu, men umstøðurnar eru broyttar so nógv og so skjótt, at limaskapur í NATO er tað besta.

Norski uttanríkisráðharrin, Annika Heutfeldt var við á fundinum í NATO, og sigur seg ikki vera í iva um, at bæði Finnland og Svøríki vera limur í NATO um stutta tíð, segði hon:

Svøríki eisini uppí Nato

Svøríki hevur boðað frá, at landið fer at søkja um limaskap í NATO saman við Finnlandi.

Roknað verður við, at sosialdemokratiski flokkurin í Svøríki, sum er einsamallur í stjórn, fer at taka støðu til umsóknina um limaskap í NATO í kvøld, og at svenski ríkisdagurin fer at umrøða málið í morgin.

Svøríki, Nato

Í gjár ringdi finski forsetin, Sauli Niinistø, til Vladimir Putin, forseta í Ruslandi, og segði honum, at Finland fer at søkja um limaskap í NATO, skrivar Ritzau.

Samrøðan var einføld og tað var ikki stórvegis orðadráttur, skrivar finski forsetin í einum stuttum boðum.

Russiska tíðindastovan, RIA, skrivar, at Vladimir Putin, forseti, segði finska forsetanum, at avgerðum at sleppa uttanveltaðu støðuni, er eitt mistak.

Finski forsetin

Og hann legði aftrat, at avgerðin kann fáa keðiluigar avleiðingar fyri viðurskiftini ímillum londini.

Svøríki má sleppa sínum egna bannið fyri at selja vápn til Turkalands, og Svøríki má veita trygd fyri, at landið ikki stuðlar yvirgangsbólkar í landinum. Tað eru krøvini fyri at Turkaland kann taka undir við svenskum limaskapi í NATO, sigur turkiski uttanríkisráðharrin.

Á tíðindafundsi í berlin, eftir ráðharrafundin, segði Mavlut Cavusoglu, uttanríkisráðharri, at Turkaland ikki hóttir nakað land, men vil gera vart við, at Svøríki stuðlar felagskapin, PKK, sum Turkaland hevur lýst sum ein yvirganggsfelagskap.

Aðalskrivarin í NATO, Jens Stoltenberg, sigur, at hann hevur tosað við turkiska uttanríkisráðharran, og segði seg hava fingið at vita, at Turkalnd ikki ætlar at forða fyri, at Svøríki og Finland gerast limir í NATO.