Teitur Skoubo verður verandi í fongslinum

Eystara landsrættur staðfest í dag, at Teitur Skoubo skal verða sitandi í fongslinum, til neyðtøkudómurin kemur fyri í Landsrættinum. 

Mikudagin skeyt Teitur Skoubo neyðtøkudóm, sum hann fekk í býrættinum, til hægri rætt. Í tí sambandi vildi verjin hjá Teiti Skoubo hava føroyingin latnan leysan, til málið verður viðgjørt í Landsrættinum. 

Men hetta gav Landsrætturin teimum ikki viðhald í. 

Víkja ikki frá siðvenju

Landsrætturin grundgav úrskurðin við, at eingin orsøk er at víkja frá siðvenjuni, at persónar, sum eru dømdir longur enn eitt ára fongsulsrevsing, verða varðhaldsfongslaðir. 

Teitur Skoubo bleiv av býrættinum í Odensen mikudagin dømdur til tvey og eitt hálvt ára fognsulrevsing fyri at hava neyðtikið eina 25 ára gamla kvinnu. 

Hendingin fór fram í Odense í november í fjør.

Teitur Skoubo Juliansson

Realitystjørna

Teitur Skoubo er millum annað kendur fyri at hava vunnið realitysendingina "Paradise Hotel" í 2019, og fyri at hava tikið lut í øðrum reality-sendingum. 

Teitur Skoubo hevur yvir 138.000 fylgjarar á Instagram.

Framleiðarin av sendingini Paradise Hotel hevur longu boðað frá, at sendingarnar, har Teitur Skoubo er við, verða tiknar av netinum.