Samráðast aftur um makrelbýtið fyri næsta ár

Strandarlondini royna aftur í dag og í morgin at finna semju um makrelbýtið næsta ár.

Føroyar, Bretland, ES, Grønland, Ísland og Noreg samráðast.

Londini miða eftir at fáa semju um makrelbýtið í 2023 í seinasta lagi á ársfundinum í oktober.

Føroyska makrelkvotan í 2022 er 155.804 tons. Tað eru 19,6 prosent av heildarkvotuni, sum strandarlondini blivu samd um. 

Føroyska makrelkvotan í fjør var 167.048 tons, sum eru 19,6 prosent av mest loyvdu veiðuni.

Mest loyvda veiðan er tann, sum ICES mælir til. 

Føroyar hækkaðu sín part í sama lutfalli sum Noregur gjørdi.