Keyp á 320 milliardir krónur verður av ongum

Í apríl mánaði boðaði hann frá, at hann ætlaði at keypa Twitter fyri 44 millardir dollarar ella góðar 320 milliardir krónur. 

Men Musk vísir nú á, at Twitter hevur brotið ov nógvar ásetingar í keypsavtaluni.

Millum annað heldur hann ikki, at Twitter-nevndin er komin fram við einum neyvum tali á følskum profilum á Twitter, sum kann ávirkað virðið á talgilda pallinum.

Nevndin í Twitter fer nú at kanna, um tað ber til at stevna Elon Musk fyri brot á keypsavtaluna.

Víst verður á ásetingar í avtaluni, sum siga, at um annar partur á ólógligan hátt brýtur avtaluna ella tekur seg úr henni, fær tann parturin eina milliard dollarar í bót ella 7,3 milliardir krónur.