Føroyar fáa skyldina fyri minking í norskum sildaútflutningi

Norskir fiskimenn vísa á, at føroyingar sjálvir hava trýfaldað sína sildakvotu, og tað rakar beinleiðis norska sildaútflutningin.

Lisbeth Berg-Hansen, norskur fiskimálaráðharri, sigur við NRK, at tað er trupult at fáa lond at laga seg eftir altjóða reglum, um hesi somu lond ikki hava viljan til tað.

- Vit kunnu bara vera púra ærlig. Tá ið tú ikki finnur eina loysn við samráðingarborðið, so hava vit ikki so nógv amboð at taka til. Og tí vilja vit framvegis stuðla ES, fyri at fáa hetta loyst við samráðingarborðið, sigur Lisbeth Berg-Hansen, norskur fiskimálaráðharri við NRK.