Níggju ferðir bleiv kært um atburðin hjá løgregluni í fjør

Ótengdi løgregluklagumyndugleikin fekk níggju mál úr Føroyum í fjør.

Fimm revsimál vóru og fýra um atburð hjá løgreglufólki.

Sambært ársfrágreiðingini fyri 2021 vóru tríggjar kærur avvístar sambært rættargangslógini.

Í einum máli var skrivað upprit. 

Eingin atfinning var í tveimum málum um atburð, tá har var orð móti orði.

Politi, løgreglan

Mynd: Bjarni Árting Rubeksen

Kannar revsimál móti løgreglufólki

Ótengdi løgregluklagumyndugleikin kannar revsimál móti løgreglufólki og viðger og tekur avgerðir í klagum um atburð løgreglufólks.

Sambært heimasíðuni hjá Den Uafhængige Politiklagemyndighed, sum stovnurin eitur á donskum, stremba tey eftir at tryggja eina rættvísa málsviðgerð fyri øll.

Myngugleikin er hvørki í borgarans ella løgreglunnar tænastu, men í sannleikans tænastu. 

Hetta merkir, at hvørki borgari ella løgregla verða sett hægri enn hin í kanningini og avgerðini í einum máli.

løgreglan, politi,