Eykajáttanir til olju, eykatúr við Herjólfi og sálarfrøðiliga viðgerð

Útreiðslurnar í fíggjarlógini hækka 38 mió. kr. sambært uppskotinum um eykajáttanarlóg, sum Uni Rasmussen, landsstýrismaður, legði fram í gjár.

Uppskotið hevur 37,9 milliónir í halli.

30,1 millión eru til olju, 3,2 milliónir til ein eykatúr um dagin við Herjólfi III í seks vikur og 4,6 milliónir eru til royndarskipanina við ókeypis sálarfrøðiligari viðgerð til ung.

30,1 millión til olju er nettotal, tí nakað kemur inn aftur í meirvirðisgjaldi.

Fyrsta viðgerð um uppskotið verður í morgin.

Í dag kl.10.00 heldur løgtingið fram at viðgera frágreiðingina, sum løgmaður gav tinginum ólavsøkudag.