USA góðkennir Svøríki og Finnland sum Nato-limir

USA hevur nú formliga góðkent umsóknirnar hjá Svøríki og Finnlandi um at gerast limir í NATO-verjusamgonguni.

Seinnapartin í gjár atkvøddi stórur meiriluti í senatinum fyri, at USA stuðlar umsóknunum. 95 av teimum 100 senatorunum atkvøddu fyri -og ein atkvøddi ímóti.

Øll 30 NATO limalondini skrivaðu í juli undir formligu skjølini, sum loyva Finlandi og Svøríki at gerast limir. 

Nú skulu londini hvør sær góðkenna innlimanina í sínum egna lóggávutingum. Og tað gjørdi størsta limalandi USA í gjár.

Demokratiski senatorurin, Bob Mendez, sum er formaður í uttanríkispolitisku nevndini hjá amerikanska Senatinum, segði fyri atkvøðugreiðsluna, at Finnland og Svøríki kunnu gerast virðismiklir limir í verjusamgonguni, og fara eisini at syrkja vesturlendsku verjusamgonguna.