Radikali flokkurin krevur framvegis fólkatingsval

Verður valið ikki útskrivað í seinasta lagi 4. oktober, verður misálit reist á stjórnina, sigur forkvinnan í Radikala flokkinum, Sofie Carsten Nielsen

Sofie Carsten Nielsen er forkvinna í Radikala flokkinum. Hon heldur, at eitt fólkatingsval nú fer at reinsa luftina.

Mynd: Ritzau Scanpix

Johnsigurd Johannesen

07.08.2022 - 09:27

Radikali flokkurin í Danmark heldur fast við, at Mette Frederiksen, forsætisráðharri, skal skriva út val í seinasta lagi 4. oktober, tá nýggja fólkatingsárið byrjar.

Annars fer flokkurin, sum er stuðulsflokkur hjá stjórnini, at leggja fram uppskot um misálit.

Forkvinnan í Radikala flokkinum, Sofie Carsten Nielsen, sigur í samrøðu við sjónvarpsstøðina TV2, at eitt fólkatingsval fer "at reinsa luftina," sum hon tekur til.

Og Radikali flokkurin fer ikki at taka av einum tilboði frá forsætisráðharranum um at koma upp í stjórnina nú:

1542360

Mette Frederiksen - Mynd: RitzauScanpix

Radikali flokkurin hevur givið Mette Frederiksen. forsætisráðharra, freist til 4. oktober, at skriva út fólkatingsval. (Mynd: Ritzau Scanpix)

Beint eftir, at frágreiðingin um minkamálið var kunngjørd, boðaðu hinir báðir stuðuflokkarnir hjá stjórnini, SF og Eindarlistin, frá, at teir halda tað ikki vera neyðugt at fáa advokatar at gera sínar metingar av málinum.

Ein advokatkanning kundi hava við sær, at eitt ríkisrættarmál verður reist móti Mette Frederiksen, forsætisráðharra.