Hitin í Arktis veksur nógv skjótari enn aðrastaðni í heiminum

Hitin á Norðurpólsleiðini, í Arktis, veksur fýra ferðir skjótari enn aðrastaðni í heiminum.

Tað vísa kanningar hjá granskarum í Finnlandi og Noregi, skrivar NTB.

Hitin er kannaður síðani 1979, tá til bar at gera slíkar kanningar við fylgisveini.
 
Hitin í Arktis er vaksin 0,75 stig hvørji áratíggju.

Við Svalbard og Novaja Semlja er hitin tó vaksin 1,25 stig.

Tað kemur óvart á, tí tað er triðing meira enn forsagnirnar siga.