Ferðsluvanlukka kravdi mannalív

Tað var nakað eftir klokkan tíggju í gjárkvøldið, at ein bilur, sum koyrdi út eftir Jóannesar Paturssonargøtu, rendi á ein eldri mann við ein gonguteig ovarlaga í gøtuni.

Sjúkrabilur var skjótur á staðnum og flutti mannin á Landssjúkrahúsið, men har kundi bara staðfestast, at hann var deyður.

Vakthavandi á politistøðini sigur, at enn er ikki greitt, hvat orsøkin er til vanlukkuna, men ongar ábendingar eru um, at ungi bilførarin koyrdi ávirkaður.

Avhoyringar av vitnum og øðrum heldur fram í dag.