Biður um umbering, men ætlar sær ikki frá

Bretski forsætisráðharrin, Liz Truss, hevur alment givið bretum eina umbering á BBC fyri tey mistøk, hon hevur gjørt fyrstu tíðina í embætinum.

Hon leggur samstundis dent á, at hon ongar ætlanir hevur um at fara úr embætinum, skrivar DR.

- Eg góðtaki ábyrgdina og umberi fyri tey mistøk, sum eru gjørd. Eg vildi hjálpa fólki við orkurokningum og nógva skattinum, men vit gjørdu ov skjótt av, sigur hon í samrøðuni við BBC.

Ætlar ikki at leggja frá sær

Liz Truss hevur eisini strikað ein ætlaðan skattalætta, sum hon hevði ávarað um fór at koma, og hon hevur eisini skift ráðharran í fíggjarmálum.

Samstundis slær hon fast, at hon ongar ætlanir hevur um at gevast í embætinum sum forsætisráðharri.

Liz Truss tók við sum forsætisráðharri í Bretlandi 5. september.