- Tíðindi, mentan og ítróttur
Geytavinnari biður um umbering fyri, at hon var mismælt
Geytavinnari biður um umbering fyri, at hon var mismælt
Eir í Ólavsstovu, dokumentaristur, umber nú, at hon í Degi og viku-innslagi var mismælt og kom til at siga, at abbi Elinu Josefinu Smith var sjúkur av sinnisklovningi
Eir í Ólavsstovu vann bæði Geytan og Áskoðaravirðislønina
Mynd: Hallur E. Thomsen
25.10.2022 - 16:14
Í sambandi við samrøðuna við Geytavinnaran Eir í Ólavsstovu, ið varð víst í Degi og viku í gjárkvøldið, segði Eir í Ólavsstovu, at abbi høvuðspersónin í vinnandi filminum "Sálarkvøl", Elina Josefinu Smith, var sjúkur av sinnisklovningi (skisofreni).
Nú ger Eir í Ólavsstovu á sínum Facebook-vanga vart við, at hon var mismælt í samrøðuni í Degi og viku.
Eir í Ólavsstovu skrivar:
"Eg má veruliga orsaka fyri ein feil, sum eg kom at siga í Degi og viku í kvøld (gjárkvøldið, red.). Abbi Elina Joefinu Smith var ikki skizofren. Eg var so móð og var mismælt. Familja hansara heldur ikki, at hann var sálarsjúkur yvirhøvur, men læknarnir søgdu, hann var maniodepressivur. Tað segði Marita í filminum. Enn einaferð orsaka."
Er kopiera
Nýggjastu sendingar í ÚV
Nýggjastu sendingar í SV
