Herjólfur III byrjar týsdagin

Avgreiðslan av farmi fer fram upp á sama máta sum við Smyrli, og Strandferðslan sigur, at farmakundar, ið frammanundan brúka farmabíleggingarskipanin, kunnu frá mánadegnum eisini brúka hesa til bíleggingar við Herjólfi.

Siglt verður av Havnini týsdag, mikudag og hósdag klokkan 11.00 og fríggjamorgun klokkan 8.30. Av Tvøroyri verður silgt týskvøld klokkan 18.00, mikudag klokkan 17.00, hósdag klokkan 16.00 og fríggjadag klokkan 14.30.

Herjólfur III hevur í ein góðan mánað verið í Íslandi og siglt á síni gomlu rutu millum Vestmannaoyggjar og Þorlákshafn, har hann avloysti Herjólf IV, sum hevur verið í dokk.