Bankarnir bjálvaðir at taka skrædl í alivinnuni

Føroysku bankarnir eru bjálvaðir til at standa ímóti, um alivinnan fór av knóranum.

Tað vísa greiningar, sum Føroya Váðaráð hevur gjørt.

Kannað var, hvat avleiðingarnar høvdu verið fyri føroysku bankarnar, um øll alivinnan fór av knóranum, og síðani var endurreist. 

Føroysku bankarnir hava lutfalsliga avmarkaða eksponering mótvegis laksaaling, av tí at alivinnan er væl konsoliderað, og í høvuðsheitum fíggjar seg uttanlands.

Greiningin hjá Føroya Váðaráði kemur sostatt til ta niðurstøðu, at føroysku bankarnir eru bjálvaðir til at standa ímóti einum slíkum stoyti.