Nýggi bygningurin hjá Sjóvinnustýrinum reistur

Nýggi bygningurin hjá Sjóvinnustýrinum á Giljanesi var reistur í dag, skrivar jn.fo 

Løgtingið samtykti í 2017, at Sjóvinnustýrið skuldi byggja í Vágum fyri í mesta lagi 13,7 mió. kr.

Verklagslógin um byggingina var samtykt á vári 2018. Tá var mett, at bygningurin fer at kosta góðar 30 milliónir kr.

Búsetur byggir nýggja bygningin til Sjóvinnustýrið, sum eftir ætlan verður liðugur næsta ár. 

Sjóvinnustýrið hevur síðani á sumri 2016 húsast í fyribilshølum í Havn, eftir at stovnurin noyddist at flyta úr leigaðum hølum í Miðvági, sum ikki vóru mett at vera egnað.