Sjey vilja vera skúlastjóri í Vestmanna

Sjey fólk vilja vera stjóri í Vestmanna skúla, skrivar Skúlablaðið. 

Freistin at søkja starvið var úti í gjár. 

Eyðdis Eidesgaard, fulltrúi í Undirvísingarstýrinum, røkir í løtuni starvið, eftir at Alis J. Højsted fyri stuttum var loyst úr starvinum.

Í Vestmanna skúla eru 171 næmingar. Í skúlanum starvast 21 lærarar og tveir námsfrøðiligir stuðlar.