Óttast kríggj millum NATO og Russland

bannari
Óttast kríggj millum NATO og Russland
Aðalskrivarin í Nato, Jens Stoltenberg, óttast fyri, at kríggið í Ukraina kann gerast til eitt kríggj millum Russland og Nato, um ikki tamarhald er á krígnum.
 
31.12.2022 - 13:00

Aðalskrivarin í Nato, Jens Stoltenberg, óttast fyri, at kríggið í Ukraina kann gerast til eitt kríggj millum Russland og Nato, um ikki tamarhald er á krígnum.

Í samrøðu í nýggjársendingini hjá norska kringvarpinum NRK segði NATO-aðalskrivarin, at um tað gongur galið, so gongur tað grúiliga galið.

- Kríggið í Ukraina er ræðuligt, og tað kann gerast til eitt kríggj, sum breiðir seg til eitt stórkríggj millum Nato og Russland, segði Stoltenberg við NRK.

Hann legði aftrat, at Nato arbeiðir fyri at sleppa undan hesum. 

Kreml hevur skuldsett Nato-sameind fyri íðin at royna at gerast partur av ósemjuni við at geva Ukraina vápn, skipa fyri hernaðarvenjingum og at geva hernaðarligu fregnartænastuni upplýsingar til at leypa á russiskar deildir.

Stoltenberg heitir á Vesturheiminum um at senda Ukraina fleiri vápn.

- Tað kann ljóða sum ein andsøgn, men hernaðarstuðul til Ukraina er skjótasti vegur til frið, segði Stoltenberg í nýggjárssamrøðu við týsku tíðindastovuna DPA.

Russiski forsetin Vladimir Putin má sannførast um, at hann ikki nær sínum máli um at taka valdið í Ukraina, segði Stoltenberg og legði aftrat, at eftir tað, ber til at samráðast um friðarliga loysn, sum tryggjar, at Ukraina framhaldandi verður ein sjálvstøðugur demokratiskur statur, segði Stoltenberg við týska DPA.

Er kopiera
Nýggjastu sendingar í ÚV
Mánadag 19. mai
"Her er einki annað ljóð."
191893
Mánadag 19. mai
Morgunlestur mánadagur 19.mai 2025
192051
Mánadag 19. mai
Góðan morgun Føroyar
192041
Nýggjastu sendingar í SV
Sunnudag 18. mai
Andakt
192017
Sunnudag 18. mai
Guðstænasta úr Leirvíkar kirkju
192018
Sunnudag 18. mai
FM í estetiskum fimleiki 2025
192023
Fríggjadag 16. mai
KAKUMiKS (7:7)
191925