Ungdómshús á Skála

Lítið og einki virksemi hevur seinnu árini verið í húsinum, sum stendur sera væl fyri miðskeiðis í bygdini.

Húsið, sum er 772 fermetrar til støddar, fer kommunan nú at brúka sum ungdómshús.

Á fíggjarætlanini hjá Runavíkar kommunu fyri 2023 eru 200.000 krónur settar av til endamálið.

Nú skal so finnast fram til, hvørji ynski og hvør tørvur er í mun til eitt virkishús á Skála, ið helst fer at minna um tilsvarandi Gulu smiðju í Heiðunum.