SEV fekk óvanliga nógva orku úr vatni í fjør

2022 var eitt óvanliga gott ár fyri vatnorku.

SEV framleiddi 130,9 GWt úr vatni í 2022.

Tað er 30,2 prosent av streyminum, ið var framleiddur úr varandi orkukeldum í fjør. 

Næstan tvífalt sum nógv avfall

2022 er besta árið fyri vatnorku síðani metárið 2015, sigur SEV.

Avfallsmátarin á Fitjunum í Vestmanna máldi 2573 mm fyri árið 2022. 

Til samanberingar kom avfallið upp á góðar 1904 mm í 2021. 

vatnbyrging, byrging, Vestmanna

2680 mm í 2015

Í 2015 regnaði enn meira. Avfallið var tá góðar 2680 mm.

Sermerkt fyri 2022 var, at nógva regnið kom í juli og august.

Vantverkini gjørdu tríggjar ferðir meiri streym enn í miðal í juli og august.

90GWt úr vindi

Vindur gav eisini nógvan streym í fjør.

vindmyllur, Vindrøkt, Húsahagi, Gellingarklettur

90 GWt av streyminum, sum SEV seldi í fjør, kom frá vindorku. 

Myllurnar hjá Vindrøkt, sum fóru at mala í juli, góvu sjey prosent av streyminum, sum SEV seldi í fjør. 

El-battarískipan hjá SEV í Porkeri, SEV í Porkeri

Varandi orkan í 2022 var býtt soleiðis:

130,9 GWt (30,2%) úr vatni
90 GWt (20,7%) úr vindi
5,4 GWt (1,3%) úr biogassi
0,171 GWt úr sólorku.

SEV og dótturfeløgini stóðu fyri 90,8 prosent av samlaðu framleiðsluni, meðan Vindrøkt/Røkt stóðu fyri 7,9 prosentum.

Biogassverkið Førka framleiddi 1,3 prosent av samlaðu elorkuni.

Í tilsamans 50 samdøgur var orkuframleiðslan í meginøkinum yvir 80 prosent grøn.

56 samdøgur í fjør høvdu suðringar 100% grøna orku í kontaktini.