Nú er fólkatalið 54.300

Fólkatalið í Føroyum er nú farið upp um 54.300 fólk.

1.februar búðu 54.273 fólk í Føroyum, 634 fleiri enn 1.februar í fjør. Vøksturin er 1,2 prosent,

Fólkavøksturin í Føroyum heldur fram á níggjunda ári, skrivar Hagstovan. Seinasta árið hevur hann tó verið lakari enn undanfarnu árini.

Burðaravlopið minkar

Tað kemst serliga av stóru minkingini í burðaravlopinum, muninum millum fødd og deyð. 

Men vøksturin í nettoflytingini vigar upp ímóti hesum. Tað er, at fleiri fólk flyta til Føroya enn úr Føroyum. 

Burðaravlopið seinasta árið var 144 fólk og nettoflytingin 490 fólk. 

Fólkavøkstur var í 21 av teimum 29 kommununum seinasta árið.