KÍ stórfavorittur við Djúpumýrar

KÍ tekur ímóti EB/Streymi við Djúpumýrar í dag, har verandi føroyameistarin er stórfavorittur.
Odmar Færø er ikki við í hópinum hjá KÍ, og Sivert Gussiås byrjar inni fyri Páll Klettskarð, sum situr á beinkinum frá byrjan.


Javnir dystir á Dungasandi og í Fuglafirði

Um ein heimasiður er upplagdur í Klaksvík, er verri at spáa um hinar báðar dystirnar í dag.
Á Dungasandi í Sørvági tekur 07 Vestur ímóti B68, meðan ÍF tekur ímóti AB í Fuglafirði.
Allir dystirnir í dag byrja klokkan 15.00.

Í gjár vann Víkingur 7-0 á TB í Sarpugerði, og fimti dysturin hetta umfarið er í annaðkvøld kl. 18.00. Tá bresta B36 og HB saman í grannauppgerð á Ovara vølli í Gundadali.


Meistarin væl frá byrjan

Í bestu kvinnudeildini vóru tríggir dystir í gjár

Verandi meistarin, KÍ, vann heima heili 11-0 á TB/FC Suðuroy/Royn.
B36 og Víkingur spældu javnt 2-2 og NSÍ vann á útivølli 3-0 á 07 Vestur.