Skála fingið nýggjan formann

Jóannes Prestá er nýggjur formaður hjá Skála. 

Tað er greitt eftir at nevndin, sum varð vald á eykaaðalfundi í síðstu viku, hevur skipað seg.

Jógvan Andersen er næstformaður, Rókur V. Nilssen er kassameistari og Steingrím Jacobsen er skrivari. Hinir nevndarlimirnir eru Petur Anker Poulsen og Sveinur Ellefsen.


Trupult at manna nevnd

Ingi G. Hansen sat sum formaður hjá Skála frá 2020, og eftir strævin ár við róðrið, ynskti hann at fara frá. Sama vildu fleiri av nevndarlimunum, skrivaði portal.fo.

Tað eydnaðist kortini ikki, at manna nýggja nevnd á aðalfundinum í vetur ella á eykaaðalfundinum fyrr í mars.

Á eykaðalfundinum í síðstu viku møttu gott 50 limir upp, og tað eydnaðist at manna nevndina við seks limum.

Nýggju starvsnevndarlimirnir hava fingið hvør sítt umsjónarøki, og harumframt er ungdómsnevnd sett. Í henni sita Drós Ellingsgaard, Jóna Eivindsdóttir Zachariasen og Poula Dulavík Berg.