Útilív: Minst til tey góðu klæðini

Veðrið í Føroyum skiftir skjótt, og tí kann tað eisini vera torført at vita, hvørji klæðir tú skalt lata teg í, tá tú ætlar ein gongutúr. 

Í triðja og seinasta parti av sendingini Útilív fer Jens Jákup ymsar gongutúrar í hagan. Veðurvánirnar gera sjálvandi av, hvat er hent at hava við, og ikki minst hvat er smart at lata seg í, og longdin á túrinum hevur eisini nógv at siga. 

Eitt hent triks er eitt nú at lata seg í fleiri løg av klæðum, sum skjótt kunnu smoyggjast á ella takast av, heldur enn at lata seg í eina tjúkka troyggju. 

Tað er tí eisini gott at hava klæðir, sum bæði fylla lítið, viga lítið og eru úr góðum tilfari, sum andar.

Og um tú hittir Jens Jákup einsamallan í haganum við opnari splittu, so er tað bara tí, at hann er eitt sindur ov heitur: 

Útilív: gongutúrar

Summarið nærkast, og nógv gleða seg til feriur í suðurlondum. Men hjá teimum, ið ikki ætla sær so langa leið í summar, er ein rúgva at uppliva í Føroyum. Men hvussu ger mann? Hvat skal til, og hvar fer mann?

Í triðja og seinasti parti av sendingini Útilív verður farið gongutúrar í hagan. Bæði styttri og longri teinar, bæði einsamallur og við ferðaliði. Hvat skalt tú hava við, og hvat skalt tú lata teg í? Tað veit Jens Jákup alt um. 

Sendingin er í sjónvarpinum í kvøld kl. eftir Dag og viku. 

Sást tú ikki fyrstu tveir partarnar, sum snúðu seg um at tjalda í haganum og sílaveiðu, so finnur tú teir her.