Nógvur svartkjaftur sunnanfyri

Nógvur svartkjaftur er sunnan fyri Føroyar og suður í bretskan sjógv og í írskan sjógv.

Tað vísa kanningar, sum Havstovan gjørdi fyri páskir. 

Fyribilsúrslitini vísa, at nógvur svartkjaftur er í føroyskum øki í ár, nakað tað sama sum í fjør.

Talan er serliga um 2020 árgangin, men eisini um 2021 og 2019 árgangirnar.

Meginparturin av fiskinum hevði gýtt. 

Miðallongdin er 25 sentimetrar og miðalvektin 91 gramm.

Hetta er árliga kanningin hjá ICES. Noreg, Írland, Niðurlond og Spania eru eisini við.

Endaliga úrslitið verður tøkt seinni í apríl.