Leyslatnir føroyingar í Danmark sleptir út á gøtuna

Liljan Weihe, løgtingskvinna, heldur, at málið hevur skund at loysa, tí nýtt fongsul í Føroyum verður ikki liðugt fyrr enn um sjey ár

Liljan Weihe, løgtingskvinna, hevur fingið svar um støðuna hjá føroyingum, sum hava sitið dóm í fongsli í Danmark. (Savnsmynd: Kriminalforsorgen)

Kári Mikkelsen

19.05.2023 - 12:54

Tá føroyingar verða latnir leysir úr donskum fongslum ella arresthúsum, verða teir í fleiri førum bara sleptir út á gøtuna, har teir eru staddir. Uttan kunning til tey avvarðandi ella føroyska almannaverkið, og uttan nakað trygdarnet.

Liljan Weihe, Tjóðveldi, tíðindafundur

Liljan Weihe, løgtingskvinna. (Mynd: Bjarni Árting Rubeksen)

Lene Moyell Johansen, ríkisumboð

Lene Moyell Johansen, ríkisumboð, sum svaraði fyrispurninginum. (Mynd: Bjarni Árting Rubeksen)

Hetta hevur fingið Liljuna Weihe, løgtingskvinnu, at seta danska forsætismálaráðnum umvegis Ríkisumboðið ein fyrispurning, sum nú er svaraður, um viðurskiftini hjá føroyskum fangum í Danmark.

Liljan Weihe heldur, at tað verður ov leingi at bíða, til nýtt fongsul í Føroyum verður bygt, tí tað fer ikki at standa liðugt fyrr enn um sjey ár.

Hoyr innslag í útvarpstíðindunum:

19052023_Fangar_og_Liljan_Weihe

Les spurningar og svar her.